絕壁出戰電競迷理大爐邊聚會

係人都知道我地MSG人才濟濟,乜野遊戲嘅選手都有,除咗經常提及過嘅《英雄聯盟》同《皇室戰爭》之外,其實仲有唔少選手係《反恐精英》同埋《爐石戰記》度默默耕耘架!而今日要同大家講嘅,就係我地嘅《爐石戰記》選手 MSG DReaMCliFF – 人稱「劣勢俠」嘅絕壁。

cliff_challonge

只見絕壁連過兩關,係十六強遇上實力強橫嘅認真哥darrenchan,賽事係三盤兩勝嘅,採用征服制方式進行。 (征服制:每人揀定兩個職業,如果任何一方贏咗一場,之後都只可以用第二個職業作賽,輸嘅一方就可以選擇再次使用)

絕壁所選職業:聖騎士、德魯伊 ,darrenchan所選職業:術士、德魯伊

Game 1: MSG DReaMCliFF (聖) vs darrenchan (術) [勝] – 0:1

darrenchan一開局就以一張小鬼幫派老大壓制絕壁,到第四回合使出小鬼爆破將優勢擴大,冇清場牌嘅絕壁只能一直捱打

絕望嘅絕壁希望以一張爆爆博士企圖翻身,但darrenchan已經成檯都係怪選擇直接打臉,瞬間被打至1血嘅絕壁最後投降,令darrenchan嘅小鬼術贏出第一場。

 

Game 2: MSG DReaMCliFF (德) [勝] vs darrenchan (德) – 1:1

一開局絕壁已經佔上風,放上希瓦娜斯之後更加令darrenchan不敢貿然進攻,最後絕壁趁darrenchan場上冇牌有嘲諷,直接以自然之力+咆哮一波將darrenchan秒咗。

cliff_227

 

Game 3: MSG DReaMCliFF (聖) vs darrenchan (德) [勝] – 1:2

戰局一直膠著,直到darrenchan又用自然之力+咆哮解決晒絕壁場上所有怪之後,勝負已分!咆哮德OP!

 

最後,絕壁以1:2不敵darrenchan,但已經創下咗MSG有史以黎出賽最佳紀錄,算係雖敗猶榮啦!

Twitter