MSG HKXP《英雄聯盟》比賽賽果

今日出戰HKXP 香港競比賽嘅MSG再次冇令大家失望,用一個「華麗轉身」再續魔咒前緣,再次首圈出局!首場對手為紅方嘅Paradise,而MSG則係藍方。

【藍方】Make Sense Gaming
禁角:菲歐拉、凱特琳、加里歐 | 伊莉絲、李星
選角:古拉格斯、布郎姆、奧莉安娜 | 剎雅、雷尼克頓

【紅方】Paradise
禁角:弗拉迪米爾、凱能、札克 | 嘉文四世、赫克林
選角:法洛士、卡瑪、星朵拉 | 卡蜜兒、歐拉夫

雙方選角方面已經你來我往,我地亦都作出咗針對性嘅禁角,然而對手都成功ban咗某些英雄令到我地戰術唔能夠完全發揮,而呢個陣容上嘅問題係遊戲後期開始呈現。但整體而言,我地今場都玩到想玩嘅野,而作為團隊大腦嘅MSG Fade今場前期令落後發育嘅下路追番唔少經濟,以及幾次智商換線,係令到MSG中期時擴大領先差距嘅關鍵。

分析師同教練認為,今日不論隊員同後勤都發揮出水準之上,甚至比多蘭杯決賽時有進步,尤其係封鎖打野角色令到前期MSG滾到唔少雪球,只係遊戲後期幾波戰術失誤,令到Paradise把握機會反級make play,將經濟逆轉,而MSG陣容後期乏力,對手嘅卡蜜兒係後期更加係如入無人之境,所以MSG只能眼白白睇住主堡爆炸。

而擊敗MSG嘅Paradise及後亦好順利擊敗香港勁旅IceLanD等戰隊,殺入四強有得打線下,所以MSG今次絕對係雖敗猶榮架 (拿,我唔會賴鳩簽運衰次次都首圈打勁隊),同時亦恭賀Paradise能夠係之後嘅線下賽繼續有出色表現。賽後小編訪問Paradise,對手亦大讚MSG班撚屌表現出色,迫到佢地好大壓力,係佢地咁多場入面最強嘅對手,為此我地MSG亦會再接再勵,希望下次再有機會交手!

MSG落敗後戰隊即進行賽後檢討,大家都異口同聲認為今次比賽得著遠比多蘭杯多,認為今次同強隊交手經驗對於之後比賽有好大幫助,亦令我地知道實戰不足嘅地方,可以作進一步補強。

MSG唔會因為一場落敗而氣餒,因為反正我地都輸慣,但我地從來都無忘記要為「煲水」而戰,都唔敢怠慢加緊練習,希望成為一隊又睇得、又打得嘅戰隊!請各位粉絲期待我地之後比賽嘅表現!

#ToTheWorld

Twitter